ဒုတိယအချီမှာ ဘက်ဇင်စကီးကို အလဲထိုးအနိုင်ယူပြီး WLC ရဲ့ခရူဇာဝိတ်တန်း ကမ္ဘာ့ချန်ပီယံခါးပတ်ဆွတ်ခူးခဲ့တဲ့ မြန်မာချန်ပီယံ ဒေဝ
WLC-9: King of Nine limbs လက်ဝှေ့ပြိုင်ပွဲရဲ့ ခေါင်ပွဲဖြစ်ပြီး ခရူဇာဝိတ်တန်း ကမ္ဘာ့ချန်ပီယံခါးပတ်လုပွဲအဖြစ်ထိုးသတ်ခဲ့တဲ့ ဒေ့ဗ်လက်ဒု (ကနေဒါ) နဲ့ UFC တိုက်ခိုက်ရေးသမားဟောင်း ဆက်သ်ဘက်စင်စကီး (အမေရိကန်) တို့ ပွဲစဉ်မှာတော့ ဒေ့ဗ်က (၂) ချီတည်းနဲ့ အလဲထိုးအနိုင်ရခဲ့ပါတယ်။
ပထမအချီမှာ ဒေ့ဗ်ရဲ့ ဖြတ်နင်းမှုကြောင့် ဘက်ဇင်စကီးလဲကျခဲ့သလို သိပ်မကြာခင်မှာ ညာလက်သီးချက် ထိခဲ့လို့ ဘက်ဇင်စကီး ထပ်မှောက်ခဲ့ပြန်ပါတယ်။ လက်တံ၊ ခြေတံရှည်တဲ့ ဒေ့ဗ်က ခြေယောင်ပြပြီး ပြိုင်ဘက်ခြေလှမ်းမှားတာနဲ့ ပါဝါလက်သီးချက်တွေ ပစ်သွင်းနိုင်ဖို့ကြိုးစားခဲ့တာ တွေ့ရပါတယ်။
ဒုတိယအချီမှာ ဘက်ဇင်စကီး နားထဲကသွေးထွက်လို့ ဆရာဝန်ပြခဲ့ပေမဲ့ ဆရာဝန်က ဆက်ထိုးခွင့်ပြုခဲ့ပါတယ်။ အဲဒီနောက်မှာ ဒေ့ဗ်ရဲ့ဘယ်လက်သီးကြောင့် ဘက်ဇင်စကီး လဲကျခဲ့ပါတယ်။
အဲဒီနောက် ဘက်ဇင်စကီးက ဒေ့ဗ်ရဲ့ ခြေထောက်ကိုချုပ်ထားချိန်မှာ ဒေ့ဗ်က ညာလက်သီးချက်တွေ ဆက်တိုက်ပစ်သွင်းခဲ့လို့ ဘက်ဇင်စကီးအထိနာခဲ့ပါတယ်။
ကြိုးဝိုင်းထောင့်မှာ ဒေ့ဗ်ကတွန်းလိုက်လို့ လဲကျသွားပြီးနောက်မှာတော့ ဘက်ဇင်စကီးက ဆက်လက်ယှဉ်ပြိုင်ဖို့ငြင်းဆန်ခဲ့ပြီး အရှုံးပေးခဲ့ပါတယ်။
ဒေ့ဗ်က သူ့မိသားစု၊ မြန်မာနိုင်ငံကပရိသတ်တွေနဲ့ WLC ကို ကျေးဇူးတင်စကားဆိုခဲ့ပြီး ဒီအောင်မြင်မှုက သူ့အတွက် အစပိုင်းပဲရှိသေးတယ်လို့ ဆိုခဲ့ပါတယ်။ ဒါ့အပြင် မြန်မာ့ရိုးရာလက်ဝှေ့က ကမ္ဘာပေါ်မှာ ခေါင်းတိုက်၊ ခေါင်းရိုက်ပါတဲ့ တစ်ခုတည်းသောတိုက်ခိုက်ရေးအားကစားပါ လို့ ဒေ့ဗ်က မှတ်ချက်ပေးခဲ့ပါတယ်။
Credit \\ original
