ဗစ်တိုးရီးယားအမှု တာဝန်ယူ၊ တာဝန်ခံရန် ရဲတပ်ဖွဲ့ကို သမ္မတနှင့် အတိုင်ပင်ခံပုဂ္ဂိုလ်တို့က သတိပေးထား

ဗစ်တိုးရီးယားအမှုနှင့်ပက်သက်၍ မြန်မာနိုင်ငံရဲတပ်ဖွဲ့ တာဝန်ရှိသူများ တာဝန်ယူမှု၊ တာဝန်ခံမှုအပြည့်ရှိရန် လိုအပ်ကြောင်း သမ္မတနှင့် အတိုင်ပင်ခံပုဂ္ဂိုလ်တို့က သတိပေးပြောကြားထားကြောင်း သမ္မတရုံးပြောခွင့်ရပုဂ္ဂိုလ် ဦးဇော်ဌေးက ပြောသည်။

အထူးပြုပြောချင်တာက သမ္မတကြီး၊ နိုင်ငံတော်အတိုင်ပင်ခံ ပုဂ္ဂိုလ်ရော ဒီကိစ္စနဲ့ပက်သက်လို့ အမှုမှန်ပေါ်ပေါက်ရေး အထူးမှာကြား ထားပါတယ်။

မြန်မာနိုင်ငံရဲတပ်ဖွဲ့ တာဝန်ရှိတဲ့သူတွေအနေနဲ့ ဒီအမှုနဲ့ ပက်သက်ရင် တာဝန်ယူမှု၊ တာဝန်ခံမှု အပြည့်အဝရှိဖို့လိုတယ်ဆိုတာ သတိပေးထားပါတယ်’’ဟု ယမန်နေ့က သမ္မတအိမ်တော်၌ ပြုလုပ်သည့် သတင်းစာရှင်းလင်းပွဲတွင် 7Day Daily သတင်းစာ၏မေးမြန်းမှုကို ပြန် လည်ဖြေကြားခြင်းဖြစ်သည်။

ထို့အတူ (၃)နှစ်အရွယ်မိန်း ကလေးငယ် မဖွယ်မရာပြုကျင့်မှု ပေါ်ပေါက်ပြီးနောက် Wisidom Hill အလယ်တန်းကျောင်းနှင့် အထက်တန်းကျောင်းတို့ကို စစ်ဆေးရန် သမ္မတ ဦးဝင်းမြင့်က မှာကြားထားသော်လည်း ပညာ ရေးဝန်ကြီးဌာနဘက်က သီးခြား တင်ပြလာခြင်းမျိုး မရှိသေး ကြောင်း ၎င်းက ဆက်လက်ပြော သည်။

ဗစ်တိုးရီးယားအမှုတွင် မြန်မာနိုင်ငံရဲတပ်ဖွဲ့က အောင် ကြီးကို သံသယတရားခံအဖြစ် သတ်မှတ်ကာ သက်သေခံအ ထောက်အထားများဖြင့် တရားရုံးတော်သို့ထား၍ နေပြည်တော်ဒက္ခိဏခရိုင်ရုံး၌ စစ်ဆေးနေသည်မှာ ရုံးချိန်း သုံးကြိမ်ရှိပြီဖြစ်သည်။

အမှုနှင့် ပတ်သက်၍ တရား ရုံးမှ စစ်ဆေးနေဆဲဖြစ်သဖြင့် သီးခြားမှတ်ချက်မပေးလိုကြောင်း ဦးဇော်ဌေးက ပြောသည်။

ယင်းအမှုကို ဗုဒ္ဓဟူးနေ့တိုင်းနှစ်ပတ်လျှင် တစ်ကြိမ်စစ်ဆေးရန် တရားရုံးက စီစဉ်ထားပြီး တရားလိုပြသက်သေ ၂၆ ဦးကို ဒီဇင်ဘာ ၁၈ ရက် အပြီးသတ် စစ်ဆေးမည် ဟု ဆိုထားသည်။

ဗစ်တိုးရီးယား အမှုနှင့် ပတ်သက်၍ အမှုမှန် ပေါ်ပေါက်ရေး နိုင်ငံအနှံ့ ဆန္ဒပြ တောင်းဆိုမှုများပင် ပေါ်ပေါက် ခဲ့ပြီး ရဲတပ်ဖွဲ့အပေါ် ဝေဖန်မှုများ လည်း ရှိနေသည်။

Credit  \\  original