မြန်မာ့အတိုးတက်ဆုံးအားကစားသမားဆုကို သက်ထားသူဇာရရှိ
Unicode
ယမန်နေ့က မြန်မာနိုင်ငံအားကစားမီဒီယာများအဖွဲ့ချုပ်က မြန်မာအားကစားလောကရဲ့ ၂၀၁၈ ခုနှစ်အတွင်း အကောင်းဆုံးဆုကစားသမားဆုတွေကို ထုတ်ပြန်ကြေညာခဲ့ပါတယ်။ အဆိုပါ ဆုတွေထဲမှာမှ ကျနော်တို့ရဲ့ မြန်မာ့ဂုဏ်ဆောင်အချစ်တော် ကြက်တောင်မယ်လေး သက်ထားသူဇာကတော့ ၂၀၁၈ ခုနှစ်ရဲ့ အတိုးတက်ဆုံးအားကစားသမားဆုကို ထိုက်ထိုက်တန်တန် ရရှိခဲ့ပါတယ်။
ကျန်တဲ့ဆုတွေဖြစ်တဲ့ အကောင်းဆုံးအမျိုးသား/အမျိုးသမား အားကစားသမားဆုတွေကိုတော့ ဝူရှူးအားကစားသမားတွေ ဖြစ်တဲ့ ငြိမ်းချမ်းကိုကိုနဲ့ အေးသစ္စာမြင့်တို့က ရရှိခဲ့ပါတယ်။အထူးဆုကိုတော့ ကာယဗလ မောင်ဖြစ်တဲ့ ထွန်းမင်းက ရရှိပြီး တက်သစ်စလူငယ်အားကစားသမားဆု ကိုတော့ တိုက်ကွမ်ဒို ကစားသမား ထွန်းလင်းအောင်က ရရှိခဲ့ပါတယ်။ဒါ့အပြင် လှုပ်ရှားတက်ကြွမှုအကောင်းဆုံး အဖွဲ့ချုပ်ဆုကိုတော့ ဘိလိယက်နှင့် စနူကာအဖွဲ့ချုပ်က ရရှိပြီးတော့ အသင်းလိုက်အကောင်းဆုံးဆုကိုတော့ မြန်မာ့ရိုးရာလှေလှော်အဖွဲ့က ရရှိခဲ့ပါတယ်။
ဆုချီးမြှင့်ပွဲကိုတော့ လာမယ့် အောက်တိုဘာ ၃၁ ရက် နံနက် ၉ နာရီမှာ ရန်ကုန်မြို့ တာမွေမြို့နယ် ကျိုက္ကဆံကွင်းက အားကစားနှင့် ကာယပညာသိပ္ပံ(ရန်ကုန်) သင်တန်းခန်းမမှာ ချီးမြှင့် သွားမှာ ဖြစ်ပါတယ်။ တစ်နှစ်တာအတွင်း မြန်မာ့အကောင်းဆုံးအားကစားဆုတွေကို ချီးမြှင့်ခြင်းဖြစ်ပြီး ရွှေတံဆိပ်ဆုများစွာ ရယူနိုင်ပြီး နိုင်ငံ့ဂုဏ်ကို မြှင့်တင်ပေးခဲ့တဲ့ ကြက်တောင်အားကစားမယ်လေး သက်ထားသူဇာလည်း ဆုရသူတွေထဲက တစ်ယောက်အပါအဝင် ဖြစ်ခဲ့တာပါ ကဲ ပရိသတ်ကြီးတို့လည်း သက်ထားသူဇာအတွက် ဝမ်းသာစကားလေးပြောပေးခဲ့ကြပါအုံးနော်။Credit- burmse.asia
