မေမြင့်မိုရ်ကို သရဲဝင်ပူးတဲ့အကြောင်းပြောပြခဲ့တဲ့ ဦးကျော်သူ
႔ပရိသတ္ၾကီးေရာ ဘဝမွာသရဲပူးခံရဖူးလား။ သရဲပူးခံရတဲ့အေတြ႕အၾကံဳေတြအေၾကာင္းေရာ ၾကားဖူးတာေတြရွိလား။ ရွိရင္ Comment ထဲမွာ ေျပာျပခဲ့ေပးပါဦးCredit-aungparsay
Unicode
စေတနာ့ဝန်ထမ်းနာရေးကူညီမှုအသင်းရဲ့ခေါင်းဆောင်ဦးကျော်သူဟာအချိန်တွေအကြာကြီးအောင်မြင်မှုကိုထိန်းထားနိုင်ဆဲဖြစ်တဲ့ အနုပညာရှင်တစ်ဦးလည်းဖြစ်ပါတယ်။ ဦးကျော်သူက နာရေးကူညီမှုတွေနေ့တိုင်းအမြဲတမ်းပြုလုပ်တဲ့အလျောက် နာရေးကူညီမှုဆိုတာ လူ့ဘုံလောကနဲ့ပရလောကနဲ့ကြားက ဆက်ထားတဲ့အချိန်ကို အမြဲတမ်းတွေ့နေရတဲ့ အလုပ်တစ်ခုလည်းဖြစ်တာကြောင့် ပရလောကသားတွေနဲ့ ထိတွေ့ရတဲ့အချိန်တွေလည်းခဏခဏရှိတယ်လို့ိဆိုပါတယ်။ ဦးကျော်သူက Myanmar Platform နဲ့ Interview မှာ ပရလောကသားတွေနဲ့တွေ့ကြုံရပုံတွေအပြင် သရုပ်ဆောင်မေမြင့်မိုရ်ကို သရဲဝင်စီးတာခံရကြောင်းပါ ပြောပြထားခဲ့ပါတယ်။
ဦးကျော်သူက ပရလောကသားတွေ မကျွတ်မလွတ်သေးတဲ့လူတွေအတွက်လုပ်ပေးဖြစ်တာတွေကို “လူတစ်ယောက်ကိုအသုဘချပေးရုံနဲ့ ကျွန်တော်တို့တာဝန်ကမပြီးဘူး။ မကျွတ်တဲ့ဘဝကနေပြီးကျွတ်အောင်ဆိုပြီး သူတို့အတွက်ကုသိုလ်ကောင်းမှုတွေပြုပေးတယ်။ အကျွတ်အလွတ်အဓိဌာန်ဆိုပြီးဝင်တယ်”လို့ပြောပြပေးထားပါတယ်။
ဦးကျော်သူက မကျွတ်မလွတ်သူတွေနဲ့ခဏခဏတွေ့ကြုံရကြောင်းကို “ညဘက်ဆိုလာပြီ အရိပ်တွေတွေ့တယ်။တံခါးလာလှုပ်တယ်။ကုတင်လာလှုပ်တယ်။ စောင်လာဆွဲတယ်။ အိပ်မက်ထဲမှာမြင်တယ်။ သူတို့ကခြောက်တာမဟုတ်ဘူး။ အကူအညီတောင်းတာ။ကျွန်တော်တို့က ပုတီးစိပ်ပြီးအမျှပေးတယ်”လို့ ပြောပြထားပါတယ်။
မေမြင့်မိုရ်ကို သရဲဝင်ပူးခဲ့တဲ့အကြောင်းကိုလည်း “ပုဂံမြို့သူ။ အဲဒါ ဂူထဲမှာရိုက်တော့ မေမြင့်မိုရ်နာမည်က အစော၊မစောလှ။ပုဂံဝတ်စုံနဲ့ လူဝင်စားဇာတ်ရိုက်မှာဆိုတော့ အဲဒါ ပွဲတွေဘာတွေသွားပေးဦး။အဲဒါတွေရှိတော့ သတိတော့ထားဆိုပြီးတော့။သူ ဖွားစောကျောင်းမှာ ပွဲသွားပေးတော့ ဝင်ပူးပြီးငိုတယ်အဲဒါတွေသူ့ဘာသာဖြစ်လာတယ်။ နောက်တစ်ခါ ပုဂံဝတ်စုံအဖြူဝမ်းဆက်နဲ့ ဝိညာဉ်လာတဲ့အခန်းရိုက်တော့ သူ့ကိုထပ်ပြီးဝင်ပူးတယ်”လို့ ထိတ်လန့်ဖွယ်ပြောပြထားပါတယ်။
မေမြင့်မိုရ်ကို ပုဂံက ဝိညာဉ်တွေကဆွဲထားတဲ့အကြောင်းကိုလည်း “သူမရိုက်ခင်ရန်ကုန်မှာကတည်းက ပုဂံဝတ်စုံနဲ့ အမျိုးသားနှစ်ယောက်က ဒီကိုလာရင်စောင့်နေတယ်ဆိုပြီးတော့ ရန်ကုန်မှာကတည်းက အိပ်မက်ရတယ်တဲ့။ ရိုက်ပြီးတော့ ပြန်မယ်ဆိုတော့ သူ့ကိုဆွဲထားလို့ဆိုပြီးတော့ ကားပေါ်တက်မရဘူး အဲ့လိုတွေလည်းဖြစ်တယ်”လို့ခြောက်ချားဖွယ်ပြောထားပါသေးတယ်။
့ပရိသတ်ကြီးရော ဘဝမှာသရဲပူးခံရဖူးလား။ သရဲပူးခံရတဲ့အတွေ့အကြုံတွေအကြောင်းရော ကြားဖူးတာတွေရှိလား။ ရှိရင် Comment ထဲမှာ ပြောပြခဲ့ပေးပါဦးCredit-aungparsay
