ေနျခည္ဦးရဲ႕ ႐ုပ္႐ွင္ကို သြားေရာက္အားေပးၿပီး ဂုဏ္ယူေၾကာင္းေျပာခဲ့တဲ့ ရည္းစားေဟာင္းျဖစ္သူ ေအာင္ေႏြဦး
Unicode
တိုတောင်းတဲ့ အချိန်ကာလတစ်ခုအတွင်း အောင်မြင်လာခဲ့တဲ့ နေခြည်ဦးဟာ အခုဆိုရင် ခေါင်းဆောင်မင်းသမီးအဖြစ် ရုပ်ရှင်ဇာတ်ကားကြီးတွေ အများအပြားကို ရိုက်ကူးနေရပြီ ဖြစ်ပါတယ်။ နေခြည်ဦးရဲ့ သွက်လက်ချက်ချာပြီး ပွင့်လင်းတဲ့ ပြောဆိုနေထိုင်မှုကြောင့် ပရိသတ်တွေက ပိုလို့တောင် သဘောကျကြတာကို တွေ့ရပါတယ်။ နေခြည်ဦးကလည်း ပရိသတ်တွေနဲ့ အထိအတွေ့မပျက်အောင် အမြဲတမ်း ကြိုးစားနေတာပဲ ဖြစ်ပါတယ်။ပရိသတ်တွေက နေခြည်ဦးရဲ့ အနုပညာလုပ်ရှားမှုတွေကိုသာမက သူမရဲ့ အပြင်က လူနေမှုပုံစံနဲ့ အချစ်ရေးကိစ္စကိုလည်း စိတ်ဝင်စားကြတာ ဖြစ်ပါတယ်။ နေခြည်ဦးက (၂)နှစ်တာနီးပါးလက်တွဲလာတဲ့ မန္တလေးသားလေး အောင်နွေဦးနဲ့ လမ်းခွဲပြတ်ဆဲပြီး အခုဆိုရင် တစ်ကိုယ်တည်း single အဖြစ်နဲ့ အနုပညာလုပ်ငန်းတွေကို လုပ်ကိုင်နေလျက်ရှိပါတယ်။
နေခြည်ဦးနဲ့ အောင်နွေဦးဟာ လမ်းခွဲလိုက်ကြပြီဆိုပေမယ့် တစ်ယောက်နဲ့တစ်ယောက် အခင်အမင်မပြတ်ပဲ သူငယ်ချင်းတွေအဖြစ် နေထိုင်ကြဆဲ ဖြစ်ပါတယ်။ အောင်နွေဦးကလည်း နေခြည်ဦးရဲ့ အနုပညာလှုပ်ရှားမှုတွေကို အမြဲမပြတ် အားပေးနေဆဲ ဖြစ်ပါတယ်။
အောင်နွေဦးက နေခြည်ဦး ခေါင်းဆောင်မင်းသမီးအဖြစ် ပထမဆုံးသရုပ်ဆောင်ထားတဲ့ “အခမ်းနားဆုံးမေတ္တာ” ရုပ်ရှင်ဇာတ်ကားကြီးကို သွားရောက်အားပေးခဲ့ပြီး Congratulations ဆိုပြီး ဝမ်းသာဂုဏ်ပြုစကား ပြောထားတာကို တွေ့ရပါတယ်။ နေခြည်ဦးကလည်း အောင်နွေဦးရဲ့ ဝမ်းသာစကားကို Thank You ပါ ဆိုပြီး တုံ့ပြန်ထားပါတယ်။
လမ်းခွဲလိုက်ကြတဲ့သူတွေဖြစ်ပေမယ့် တစ်ယောက်ကိုတစ်ယောက် အမုန်းမပွားပဲ မေတ္တာနဲ့သာ ဆက်ဆံခြင်းက အင်မတန် အေးချမ်းစရာပါပဲ။ ပရိသတ်ကြီးလည်း နေခြည်ဦးရဲ့ အနုပညာလုပ်ရှားမှုတွေကို ဆက်လက်အားပေးကြပါဦးနော်။Credit-aungparsay
