တခြားကောင်မလေးများနှင့် ဓာတ်ပုံရိုက်ရင် မပြုံးပြရဘူးလို့ ချစ်သူကမှာထားလား ဆိုပြီး ရဲရင့်အောင်ကို ဆေးထိုးလိုက်တဲ့ ပိုပို
Unicode
လတ်တလောမှာတော့ပိုပိုဟာ ” တေးသံသာ Appitizer Grand ” ဖွင့်ပွဲကိုတက်ရောက်ခဲ့တာပဲ ဖြစ်ပြီး ပွဲတက်ပုံရိပ်တွေကို သူ့ရဲ့ပရိသတ်တွေကို ဝေမျှခဲ့တာပဲ ဖြစ်ပါတယ်။ ဖွင့်ပွဲကို တက်ရောက်ခဲ့တဲ့ ရဲရင့်အောင်နဲ့လည်း အမှတ်တရပုံရိပ်တွေ ကိုရိုက်ကူးခဲ့သေးတာ ဖြစ်ပြီး သူ့ရဲ့လူမှုကွန်ရက်စာမျက်နှာမှာ အမှတ်တရပုံရိပ်လေးတွေနဲ့အတူ ” တခြားကောင်မလေးများနှင့် ဓာတ်ပုံရိုက်လျှင်မပြုံးပြရဘူးလို့ချစ်သူက မှာထားသောအခါမတွေ့တာကြာလို့ သားကြီးကို စတာ ” ဆိုပြီး ရေးသားဖော်ပြခဲ့ပါတယ်။
အဆိုတော်ပိုပိုကတော့ မိဘတွေမရှိတော့ပေမယ့်လည်း ကိုယ်တိုင်တစ်ဦးတည်း ကိုယ့်ဒူးကိုယ်ချွန်ကာ ရပ်တည်လာနိုင်သူတစ်ဦးလို့ဆိုရမှာပါ။ သူ့ဘဝအကြောင်းကိုလည်း ပရိသတ်တွေကို ပွင့်ပွင့်လင်းလင်း ဖော်ထုတ်ပြောပြထား သူလေးလည်း ဖြစ်တဲ့အပြင် သူ့သီချင်းတော်တော်များများကို ကလေးလူကြီးမရွေးနှစ်သက်သဘောကျကြတာကြောင့် ပရိသတ်အခိုင်အမာရရှိထားသူတစ်ယောက်ပါ။မိဘအစားအဘွားနဲ့အတူတူနေခဲ့ရတဲ့ ပိုပိုကတော့ သူ့အဘွား ဖြစ်စေချင်ခဲ့တဲ့ ပညာတတ်တစ်ယောက်ဖြစ်ဖို့ အလုပ်တွေမအားတဲ့ကြားထဲက ဘွဲ့ရအောင် ကြိုးစားနေသူလေးပါ။ဒီနှစ်မှာတော့ သူ့ရဲ့ One Lady Show အတွက် အခက်အခဲတွေ ပြင်ဆင်မှုတွေရှိနေတဲ့ကြားထဲကနေ စာမေးပွဲအတွက် သီးသန့် အချိန်ပေးထားကာ စာတွေလုပ်နေတယ်လို့ သိရပါတယ်။ပိုပိုကတော့ လက်ရှိမှာ အဝေးသင်ဥပဒေစတုတ္တနှစ်ကို ရောက်ရှိကာ စာမေးပွဲဖြေဖို့အတွက်ပြင်ဆင်နေတာပဲ ဖြစ်ပါတယ်။ပရိသတ်ကြီးလည်း ရဲရင့်အောင်နဲက ပိုပိုတို့ရဲ့ ပွဲတက်ပုံရိပ်လေးတွေကိုကြည့်ပြီး သဘောကျရင် မှတ်ချက်တစ်ခုခုပေးခဲ့ပါဦးနော်။Credit-burmese.asia
