“မွေးနေ့ အလှူအနေနဲ့ ဇဝနဖောင်ဒေးရှင်းကို (၁၅)သိန်းလှူဒါန်းခဲ့တဲ့ စည်ဖြိုး”
Unicode
အနုပညာလောကမှာ သရုပ်ဆောင်အနေနဲ့ အောင်မြင်မှုတွေရရှိထားတဲ့ မင်းသားချောလေးစည်ဖြိုးကတော့ လက်ရှိမှာတော့ တေးသီချင်းတွေကို သီဆိုပြီး အဆိုတော်တစ်ယောက်အနေနဲ့လည်းအောင်မြင်မှုတွေထပ်မံရရှိထားတာပဲဖြစ်ပါတယ်။MRTV-4ရုပ်သံလိုင်းက ထုတ်လွှင့်ပြသခဲ့တဲ့ “အလင်းထဲကလူ”ရုပ်သံဇာတ်လမ်းတွဲမှာလည်း ဘုန်းကြီးလူထွက် လက်ဝှေ့သမားတစ်ယောက်ကာရိုက်တာကို ပီပြင်အောင် သရုပ်ဆောင်နိုင်ခဲ့တာကြောင့် ပရိသတ်တွေရဲ့ အားပေးချီးကျူးခြင်းကိုလည်း ခံခဲ့ရပါသေးတယ်။
စည်ဖြိုးကတော့ သူဝါသနာပါတဲ့ အနုပညာအလုပ်တွေကို ကြိုးကြိုးစားစား လုပ်ကိုင်နေပြီး ရရှိလာတဲ့ အနုပညာကြေးလေးတွေကို စုဆောင်းကာ အလှူအတန်းတွေကို ပြုလုပ်လေ့ရှိပါတယ်။သက်ကြီးလူရွှင်တော်တွေကို လစဉ်လတိုင်း ထောက်ပံ့ငွေတွေ လှူဒါန်းနေတဲ့ ဇဝနဖောင်ဒေးရှင်းကြီးကိုလည်းလစဉ် အလှူငွေတွေလည်း လှူဒါန်းနေတဲ့ အလှူရှင်တစ်ယောက်လည်းဖြစ်ပါတယ်။ပြီးခဲ့တဲ့ စက်တင်ဘာလ (၄)ရက်မှာ စည်ဖြိုးရဲ့ မွေးနေ့ရက်မြတ်လေးကျရောက်တာပဲဖြစ်ပါတယ်
စည်ဖြိုးရဲ့ မွေးနေ့ရက်မြတ်လေးအတွက် သူရဲ့ပရိသတ်တွေအပြင် လုပ်ဖော်ကိုင်ဖက်အနုပညာရှင်တွေကလည်း မွေးနေ့ဆုမွန်ကောင်းတွေ တောင်းပေးခဲ့ကြပါသေးတယ်။ဒီနေ့ စက်တင်ဘာလ (၁၈)ရက်နေ့မှာတော့ စည်ဖြိုးက သူ့ရဲ့ မွေးနေ့အလှူအနေနဲ့ ဇဝန ဖောင်ဒေးရှင်းကို အလှူငွေ (၁၅)သိန်း လှူဒါန်းခဲ့တဲ့ အကြောင်းကို ဇဝနဖောင်ဒေးရှင်ရဲ့ ဦးဆောင်သူ သရုပ်ဆောင် ဦးခင်လှိုင်ကသူ့ရဲ့ လူမှုကွန်ရက်စာမျက်နှာကနေ ဖော်ပြခဲ့တာပါ။CeleGabar ပရိသတ်ကြီးရေ စည်ဖြိုးရဲ့ အလှူလေးကို ထပ်တူထပ်မျှ သာဓုခေါ်လို့ရအောင် မျှဝေပေးလိုက်ပါတယ်။Credit – celegabar
