ချန်ပီယံဆုနှစ်ဆုကို နှစ်ပတ်အတွင်းရယူလာခဲ့တဲ့ သက်ထားသူဇာ
သက်ထားသူဇာဟာဆိုရင် မြန်မာကိုကမ္ဘာကသိအောင် တစ်ဖက်တစ်လမ်းက ဂုဏ်ဆောင်ပေးနေခဲ့ပြီး ပြိုင်ပွဲတိုင်းလိုလိုမှာ အနိုင်ယူဗိုလ်စွဲခဲ့တာကြောင့်လည်း ကမ္ဘာအနှံ့ကသတိထားမိလာရတဲ့ မြန်မာ့ဂုဏ်ဆောင်အားကစားမယ်တစ်ဦးဖြစ်ပါတယ်။
သက်ထားသူဇာဟာ 2019 ခုနှစ်အတွင်း ကမ္ဘာ့နိုင်ငံအတော်များများမှာ သွားရောက်ယှဉ်ပြိုင်လာခဲ့ပြီး 47 ပွဲနိုင် 15 ပွဲရှုံးနဲ့ ကမ္ဘာ့အဆင့် 84 နေရာမှာရပ်တည်နေတာလည်းဖြစ်ပါတယ်။
သက်ထားသူဇာက လက်ရှိမှာ ဒိန်းမတ်နိုင်ငံကိုရောက်နေပြီး Denmark ကနေ MC ကိုအင်တာဗျူးဖြေကြားပေးခဲ့ရာမှာ လက်ရှိလုပ်နေတာတွေနဲ့သွားပြိုင်ဖို့ရှိတဲ့ပြိုင်ပွဲတွေအကြောင်းပြောပြသွားပါတယ်။
သက်ထားသူဇာက မြန်မာနိုင်ငံအတွက် တစ်ပတ်အတွင်းမှာတင် ပထမဆုနှစ်ဆုယူလာပေးနိုင်ခဲ့ပုံကို “ညီမ ကိုယ့်မြန်မာနိုင်ငံသီချင်းကို အခြားနိုင်ငံမှာ ဖွင့်ပြတဲ့အတွက် အရမ်းဂုဏ်ယူပါတယ်။ ဝမ်းလည်းဝမ်းသာတယ်။
မြန်မာနိုင်ငံအတွက် ဆု ပထမဆုနှစ်ဆုပေါ့နော် ယူလာခဲ့ရတဲ့အတွက်လည်း ဝမ်းသာပါတယ်လို့။ Benin ကနေပြီးတော့မှ နောက်တစ်ပွဲကို တန်းသွားရတဲ့အချိန်မှာ ခရီးပန်းတာတွေ ပွဲပန်းတာတွေရှိတယ်ပေ့ါနော်။ပြီးတော့ Ivoire မှာကလည်း ပထမဆုံးရိုက်ရတဲ့ကောင်မလေးကလည်း အကြိတ်အနယ်ရိုက်ခဲ့ရတယ်ပေ့ါနော်။
သုံးပွဲနဲ့ရိုက်ရတာဖြစ်လို့ ခရီးပန်းရတာတွေရော ပြိုင်ပွဲပန်းထားတဲ့ဟာတွေရော နှစ်ပွဲဆက်သွားတော့ အရမ်းပင်ပန်းတယ်ပေါ့နော်။ ဒါပေမယ့် အတတ်နိုင်ဆုံးကြိုးစားပြီးတော့ ပထမဆုရအောင်ယူခဲ့တာပေါ့နေ်ာ”လို့ ပြောပြထားပါတယ်။
သက်ထားသူဇာက ကမ္ဘာ့အဆင့် 84 ကိုတက်လှမ်းနိုင်လာတဲ့အကြောင်းနဲ့ အဆင့် 70 အောက်ရောက်ရင် အိုလံပစ်ပြိုင်ပွဲဝင်ပြိုင်ခွင့်ရမှာဖြစ်ကြောင်းလည်း “ပြိုင်ပွဲမသွားခင်မှာ ညီမအဆင့်က 114 ၊ ပြိုင်ပွဲစပြီးတော့ ပထမဆုံးပွဲပြီးတော့ 101 ဖြစ်သွားတယ်ပေါ့နော်။ ဒုတိယပွဲပြီးတော့ညီမအခုအချိန်မှာ 84 ဖြစ်သွားတယ်ပေါ့နော်။
အရင်တုန်းကပြောထားတာက 100 အောက်ရောက်ရင် Olympic Qualify ရိုက်ခွင့်ရမယ်ပေါ့နော်။ အဲဒါကျတော့ ရိုက်လို့ရမယ့်အခွင့်အရေးပိုပြီးတော့ ရမယ်ပေါ့နော်။ သေချာရိုက်ရမယ်ဆိုရင်တော့ ranking 70 လောက်ဆိုရင်တော့ သေချာပေါက် ရိုက်ရပြီပေါ့နော်။
အိုလံပစ်စည်းမျဉ်းစည်းကမ်းက တစ်နိုင်ငံကိုကစားသမားနှစ်ယောက်ပဲရှိတာကြောင့်မို့ ဘယ်လိုပဲဖြစ်ဖြစ် ခုနစ်ဆယ်အောက်ရောက်ရင်တော့ ရိုက်လို့ရမယ့်အခြေအနေမျိုးတော့ရှိတယ်ပေါ့နော်။ ညီမ ပြိုင်ပွဲတွေတောက်လျှောက်ဝင်ပြိုင်နေမယ်။ အမှတ်စုနိုင်သလောက်စုသွားမယ်။
Sea Game အတွက်ကျတော့ ဘယ်နှစ်ယောက်လွှတ်မလဲ Team ရိုက်ရမှာလား တစ်ယောက်တည်းရိုက်ရမှာလား ညီမသေချာမသိသေးဘူးပေါ့နော်”လို့ ဖြေကြားပေးထားပါတယ်။
လောလောဆယ် ပြင်ဆင်လှုပ်ရှားနေမှုတွေကို သက်ထားသူဇာက “ညီမလောလောဆယ်တော့ Denmark မှာ Training နှစ်လလာဆင်းတာပေါ့နော်။ ဒီနှစ်လအတွင်းမှာလည်း ညီမက ပြိုင်ပွဲသုံးပွဲသွားဖို့ရှိတယ်ပေါ့နော်။
ပထမဆုံးပွဲက ညီမ Nigeria သွားစရာရှိတယ်။နောက်လကျလို့ရှိရင်လည်း Greece နဲ့ Bulgaria သွားစရာရှိတယ်”လို့ ပြောထားပြီး ဒီလိုပြိုင်ပွဲတိုင်းနီးပါး အနိုင်ရဗိုလ်စွဲနေတဲ့လျို့ဝှက်ချက်အားသာချက်ကိုတော့ သက်ထားသူဇာက “အဓိကကတော့ ညီမ အခြေခံပေါ့နော်။
ကြက်တောင်တင်မဟုတ်ပါဘူး။ အခြားကစားနည်းတွေမှာလည်း အခြေခံကောင်းမှ လက်ရွေးစင်အဆင့်ရောက်သွားရင် နားသွားလို့ရှိရင်လည်းပြန်ရိုက်ရင်လက်မပျက်ဘူးပေါ့နော်။
ညီမအတွက်က အခြေခံကောင်းနေပြီးသား၊ အဖေအမေတွေရဲ့ supporting လည်းပေးတယ်ပေါ့နော်။ အားပေးတဲ့လူတွေလည်းရှိလို့ အဲဒါတွေပေါင်းပြီးတော့မှ ညီမအတွက်ဆုဆိုတာရလာတာပါ”လို့ ပြောပြထားပါတယ်။
သက်ထားသူဇာက မြန်မာနိုင်ငံမှာရိုက်မယ့်ပွဲလည်းရှိသေးတာမို့ မကြာခင်ပရိသတ်တွေအားပေးခွင့်ရတော့မှာဖြစ်ကြောင်း “ညီမကတော့ မြန်မာနိုင်ငံကို စက်တင်ဘာငါးရက်နေ့မှာ Denmark ကနေပြန်လာမှာပေါ့နော်။ခြောက်ရက်နေ့မှရောက်မယ်။ ပြီးရင်မြန်မာနိုင်ငံမှာလည်း ဆယ်ရက်နေ့မှာ ပွဲရှိတယ်ပေါ့နော်။ အဲဒီပွဲညီမရိုက်ဖြစ်မယ်ပေါ့။
ညီမကိုအားပေးတဲ့ပရိသတ်တွေအားလုံးကိုကျေးဇူးအများကြီးတင်ပါတယ်။ ညီမကို ဆက်ပြီးအားပေးပါဦး။ ညီမတင်မဟုတ်ဘူး။ နောက်တက်လာမယ့်ဂျူနီယာကစားသမားတွေကိုလည်းဆက်ပြီးအားပေးပါဦးလို့ပြောချင်ပါတယ်”လို့ ပြောသွားပါတယ်။
Credit \\ original
